Occurrenzas
Emprimas occurrenzas dal 2026:
Gievgia, ils 12 da mars 2026
a las 19.30 en la Staila, sala Segantini, Domat
MA Marietta Cathomas Manetsch
La linguista da RTR preschenta sia lavur da procurar per ils dretgs pleds per ils collavuraturs e las collavuraturas da RTR. A maun d’exempels concrets mussa ella differents aspects da la furmaziun da novs pleds per chaussas novas en la chasa da medias.
Gievgia, ils 16 d'avrigl 2026
a las 19.30 en la Staila, sala Segantini, Domat
Roman Caviezel
preschenta ses cudesch “Palaver for ever” (2024). En ses texts satirics, cumparids per gronda part en La Quotidiana (columnas) u prelegids als Dis da litteratura a Domat, s’occupa l’autur cun plima gizzada da fatgs e persunas or da la vita publica e privata, sco il rumantsch, l’economia, la cultura etc.
Occurrenzas dal 2025
L'occurrenza da gievgia, ils 6 da november 2025 cun
Guido I. Tomaschett
ha stuì vegnir spustada sin l'onn 2026 pervi da maldispostadad dal referent.
Gievgia, ils 19 da settember 2025
Commemoraziun 200 onns Gion Antoni Bühler
Nus ans essan regurdads da questa impurtanta persunalitad da Domat ch'è naschida avant 200 onns. Theo Haas ha preschentà la biografia e Georges Darms ha dà ina survista da las publicaziuns dal cumponist, magister, editur e scriptur Gion Antoni Bühler. Il Chor dils Larischs ha embellì la commemoraziun cun trais chanzuns da sia davosa Collecziun de Canzuns per Chor Viril, Coira 1885.
Gievgia, ils 3 d'avrigl 2025
Dr. Bernard Cathomas
ha preschentà sin basa da ses cudesch Ein Weg zur Einheit in der Vielfalt. Plädoyer für Rumantsch Grischun las raschuns, daco e co ch'igl èsi vegnì tar questa lingua da scrittira, co ch'ella sa differenziescha dal 'ramonsch da Domat', daco ch'ella è daventada lingua da scola da Domat e pertge che bleras autras vischnancas n'instrueschen betg en rumantsch grischun.
Questa occurenza ha gì lieu en collavuraziun cun la vischnanca politica e la vischnanca burgaisa burgaisa da Domat.
Gievgia, ils 13 da mars 2025
David Truttmann
il schefredactur da la Fundaziun Medias Rumantschas (FMR) ha preschentà l'instituziun e la redacziun da la FMR che publitgescha tranter auter er la suletta gasetta dal di rumantscha, La Quotidiana. El ha declerà il diever dals differents idioms en quella e lur problematica.
Occurrenzas dal 2024:
Gievgia, ils 28 da november 2024
Jürg Carisch
ha dà ina survista da la lunga istorgia da la scola da Domat sin basa da sia cronica publitgada il 2023, cun pais spezial sin ils ultims 20 onns ch'el è stà mainascola da questa instituziun.
Mesemna, ils 25 da settember 2024
Dr. Bernard Cathomas
ha preschentà ses cudesch "Ein Weg zur Einheit in der Vielfalt. Plädoyer für Rumantsch Grischun". En quel ha el descrit l'acceptanza, ma er las reacziuns negativas,e l'influenza ch'il rg ha gì ed ha vinavant.
Mesemna, ils 12 da zercladur 2024
Dr. med. Martin Tomaschett
Il referent ha descrit il svilup medicinal d'ina regiun muntagnarda sin basa da ses cudesch "Von der Säftelehre zur modernen Medizin 1850-2020".
Gievgia, ils 4 d'avrigl 2024
Marina Casaulta, archeologa
Ella ha referì davart il passà da Domat ord vista da l'archeologia sin basa da las ultimas exchavaziuns fatgas a Domat.
Noss giubileum
Gion T. Deplazes dat in sguard enavos sin las activitads da l'Acziun Rumantscha Domat dals davos 40 onns, preschenta nossa broschura, nossa carta cun il nov logo e nossa pagina web.
Gievgia, ils 25 da schaner 2024
Pius Federspiel
raquinta da sias observaziuns dal svilup dals casturs en il Rain tranter Domat e Giuvaulta cun in grond diember da videos e fotografias ch'el ha fatg cun questa chaschun.